Агар ходим томонидан иш берувчига етказилган зарар:

     1) уни бартараф этиш мумкин бўлмаган ҳолатда,

     2) нормал хўжалик таваккалчилиги оқибатида,

     3) охирги зарурият ёкизарурий мудофаа натижасида келиб чиққан бўлса, ходим моддий зарарни тўлашдан озод қилинади.

Ўзбекистон Республикаси Меҳнат кодексининг 200-моддасига мувофиқ, иш берувчи зарар етказилган ҳолатларни инобатга олиб, айбдор ходимдан зарарни ундиришдан тўлиқ ёки қисман воз кечиши мумкин.

Давлат мулкига асосланган корхоналарда бўндай қарор, агар у жамоа шартномасида кўзда тутилган тақдирда, қабул қилиниши мумкин. Бу ҳолда етказилган зарар корхона фойдаси ҳисобидан қопланади.

Агар меҳнат қонунчилигида бошқа ҳолат назарда тутилмаган бўлса, ходим етказилган зарар учун ўзининг ўртача ойлик иш ҳақи миқдори даражасида моддий жавобгар бўлади.

             Ўзбекистон Республикаси Меҳнат кодексининг 260-моддасига мувофиқ, якка меҳнат низолари қуйидаги органларда кўриб чиқилади:

            Корхона, ташкилот ва муассасаларда ташкил этиладиган меҳнат низолари комиссияларида;

            Фуқаролик ишлари бўйича туманлараро судларида.

            Ходим (фуқаро) меҳнат низосини ҳал қилиш учун ўз ҳохишига кўра, меҳнат низолари комиссиясига ёки бевосита судга мурожаат этишга ҳақлидир.

Ўзбекистон Республикаси Меҳнат кодексининг 264-моддасига асосан, меҳнат низолари комиссияси меҳнат низосини ариза берилган кундан эътиборан 10 (ўн) кун муддат ичида кўриб чиқиши шарт.

Низо ариза берган ходимнинг иштирокида кўриб чиқилади.

Ходимнинг иштирокисиз низони ўриб чиқишга унинг ёзма аризаси бўлган тақдирдагина йўл қўйилади.

Ходим, касаба уюшмаси қўмитаси ёки ходимларнинг бошқа вакиллик органи меҳнат низосини кўриб чиқишда иштирок этиш учун адвокат таклиф қилиш хуқуқига эга.

Ўзбекистон алоқа ходимлари касаба уюшмаси Уставининг           10.2-бандига асосан, касаба уюшма ташкилотларининг сайланма лавозимдаги ходимлари (раис ва унинг ўринбосари) билан ушбу сайланма органнинг ваколат муддатига тенг бўлган, яъни 5 (беш) муддатга меҳнат шартномаси тузилади.

       Меҳнат шартномасини имзолаш хуқуқи, яъни иш берувчи ваколати) касаба уюшмасининг раҳбар органи номидан белгиланган вакил зиммасига юклатилади.

       Касаба уюшмасининг сайланма лавозимдаги ходими корхонанинг Жамоа шартномасида белгиланган имтиёз ва қўшимча тўловлардан тўлиқ фойдаланиш хуқуқига эга.

         Бундан ташқари, Ўзбекистон Республикаси Меҳнат кодексининг         25-моддасига асосан, ходимлар вакиллик органлари таркибига сайланган шахсларга нисбатан меҳнат муносабатлари соҳасида қўшимча кафолатлар белгиланган.