28.04.2024
Ishonch telefoni / Телефон доверия
(+99871) 2565685
Ishonch telefoni / Телефон доверия
(+99871) 2565685
O'zbekiston Respublikasi hukumat portali 
O'zbekiston Respublikasi Prezidentining matbuot xizmati 
O’zbekiston Respublikasi axborot texnologiyalari va kommunikatsiyalarini rivojlantirish vazirligi 
O'zbekiston kasaba uyushmalari Federatsiyasi 
O'zbekiston Milliy axborot agentligi 
O'zbekiston matbuot va axborot agentligi 
O‘zbekiston aloqa tarixi muzeyi 
O'zbekiston Respublikasi Qonun hujjatlari ma'lumotlari milliy bazasi 
Yagona interaktiv davlat xizmatlari portali 
/ 0
Қадимий шарқ халқлари, хусусан, ўзбек миллатига хос олижаноб хусусиятлардан бири- бу ёши улуғларни улуғлаш, уланинг қадрини баланд тутиш, угутларини меросдан-меросга бериш, эъзозлаш, қадрилаш ва чин дилдан қилган дуоларини олиш десак асло янглишмаймиз.
Шу боисдан ҳам юртимиз мустақилликка эришган дастлабки йилларданоқ уруш ва меҳнат фахрийларига, ногиронларга, ёлғизларга, боқувчисини йўқотганларга алоҳида эътибор қаратилиб, давлат аҳамиятига молик ишлар амалга ошириб келинмоқда.
Ҳар йилга ном бериш ва унинг негизида қабул қилинаётган дастурларда ана шу ҳурмат-эҳтиромнинг ва ҳамғўрликнинг исботини кўришимиз мумкин.
Хусусан, 9-май “Хотира ва қадрлаш куни” муносабати билан жорий йилнинг 8-11 май кунлари “Ўзбекистон почтаси” ОАЖ Самарқанд филиали касаба уюшмаси қўмитаси томонидан уюштирилган тадбир соҳага кириб келаётган янги технологияларни хаётга татбиқ қилиш, улардан унумли фойдаланиш ва албатта ёшларга ўргатиш борасида кўп меҳнатлари синган 16 нафар меҳнат фахрийларини кўнгилларини ҳушнуд этишга қаратилди.
Филиал тармоқларида 35-40 йил меҳнат қилиб, ҳозирда нафақага чиққан Н.Гайсина, Н.Сабирова, Г.Ахрарова, С.Шакурова, Н.Порсадановаларнинг уйларига ташриф жараёнида почта сохасида ишлаган йилларида тайёрлаган шогирдлари ҳамда меҳнат фаолияти давомида рўй берган ўзгаришлар хақида қизиғин сухбат олиб борилди.
Байрам муносабати билан иш берувчи ва касаба уюшмаси маблағи ҳисобидан уларга жами 856.0 минг сўмлик озиқ-овқат махсулотлари тарқатилди.
 |
 |
Кекса отахону-онахонлар томонидан соҳа вакилларига миннатдорчиликлар билдирилиб, юрт тинчлиги, халқ фаровонлиги, соҳанинг гуллаб яшнаши учун дуолар айтилди.
Гулобод почта алоқа тармоғида 40 йил меҳнат қилиб, ҳозирда нафақага чиққан 90 ёшли онахон Н.Гайсинанинг сўзлари шундай бўлди. Яратганга шукурлар бўлсинки, бугун юртимизда ажойиб ўзгаришлар бўлмоқда. Бу ўзгаришлардан биз, меҳнат фаҳрийлари, жуда мамнунмиз. Мамлактимизда уруш ва меҳнат фахрийларига, ногиронларга, ёлғизларга, боқувчисини йўқотганларга алоҳида эътибор қаратилиб келинаётганлиги қувончлидир. Биз кексаларга нафақаларни ўз вақтида етказиб бериш почта ходимлари олдидаги энг масъулиятли вазифалардан биридир. Ўз вазифасини аъло даражада бажариб келаётган почта ходимларидан доимо мамнунмиз, уларга соғлиқ-саломатлик тилайман, биз каби ситқи- дилдан меҳнат қилиб, кексайганларида обрў-эътиборда бўлиш ҳаммаларига насиб этсин.
Шунингдек, филиалда меҳнат қилаётган икки нафар кам таъминланган оила вакилларига ҳамда 2 нафар ногирон фарзанди бор ёлғиз оналарга касаба уюшмаси маблағидан жами 1440.0 минг сўмлик моддий ёрдам кўрсатилди.
“Соғлом бола йили” Дастури дирасида жорий йилнинг 10-11-май кунлари “Халқаро почтамт” филиалининг бир қатор фаол ходимлари учун маданий-маърифий тадбир уюштирилди.
Филиал рахбарияти ва касаба уюшмаси томонидан ташкил этилган мазкур тадбирнинг асосий мақсади, кўп йиллардан бери фаолият юритаётган меҳнаткашларни маънавий қўллаб-қувватлашга, аёл ходимларни ва айниқса ёшларнинг она Ватан тарихи, маданияти ва меъморий ёдгорликлари тўғрисидаги билимларини янада бойитиш орқали комил инсон этиб тарбиялашга қаратилди.
Филиалнинг 50 нафар фаол ишчи ходимлари ва ёшлари 2 кун давомида Бухоро шаҳридаги тарихий обидалар ва меъморий ёдгорликлар, узоқ ва яқин ўтмишда ўтган буюк бобокалонларимиз тўғрисидаги билим ва кўникмаларини оширдилар.
Саёҳат давомида ходимлар Биби Орифа зиёратгоҳи, Баҳовуддин Нақшбандий зиёратгоҳи, Арк қалъаси, Минораи Калон, Масжиди Калон, Мир араб мадрасаси, Ситораи Мохи Хоса, Чашмаи Аюб, Лаби Ховуз тарихий ёдгорлик-ларининг тарихи билан яқиндан танишдилар.
Ходимларнинг ижтимоий-иқтисодий манфаатларини ва қонуний ҳақ-ҳуқуқларини, уларнинг ҳуқуқий билим савиясини ва маданиятини ошириш, корхона ва ташкилотларда меҳнат, бандлик ва меҳнат муҳофазаси қонунчилигида назрада тутилган кафолатларни жамоа келишувлари ва шартномалари орқали янада ривожлантириш ва такомиллаштириш тармоқ касаба уюшмалари фаолиятининг асосий мақсади ва устувор йўналишларидан бири бўлиб ҳисобланади.
2014 йилнинг 1 январ ҳолатига тармоқ касаба уюшмалари ўз сафларида 62 мингдан зиёд аъзоларни бирлаштирди.
Ўзбекистон алоқа ходимлари касаба уюшмаси Марказий кенгаши юқорида қайд этилган устувор йўналишларни амалга оширилишини таъминлаш мақсадида Ўзбекистон Респубилкаси алоқа, ахборотлаштириш ва телекоммуникация технологиялари давлат қўмитаси билан Тармоқ, “Ўзбекистон почтаси” ОАЖ ва “Матбуот тарқатувчи” АК Тариф келишувлари ҳамда “Ўзбектелеком” АК билан Ягона жамоа шартномаси ҳамда 180 дан ортиқ корхона ва ташкилотларда жамоа шартномалари 2012-2014 йиллар учун қабул қилиниб, қонунчиликда белгиланган тартибда Ўзбекистон Республикаси Меҳнат ва аҳолини ижтимоий муҳофаза қилиш вазирилиги ҳамда Марказий кенгаш эксперт комиссиясидан рўйхатдан ўтказилган.
Иш берувчилар ва касаба уюшма ташкилотлари томонидан олинган мажбуриятларни бажарилиши юзасидан ҳар ярим йилда меҳнат жамоаларининг конференцияларни ўтказиш тизимли равишда йўлга қўйилган.
Хусусан, келишувлар ва жамоа шартномалар орқали ижтимоий ривожланиш, меҳнат шароитлари ва унинг муҳофазаси, иш ҳақи, иш билан таъминлаш, қонун ҳужжатларида назарда тутилганидан юқорроқ ижтимоий имтиёзлар ва кафолатлар тарзидаги қўшимча тўловлар, ходимлар ҳамда уларнинг оила аъзоларини соғломлаштириш, боқувчисини йўқотган, кўп болали, кам таъминланган оилаларга, ёш болали аёлларга қўшимча имтиёзлар бериш ишлари тизимли йўлга қўйилаётганлиги эса ўз навбатида Тармоқ,Тариф келишувлари ва ягона Жамоа шартномасига иккита янги бўлим Аёллар меҳнатини тартибга солиш, қўшимча имтиёзлар ва кафолатлар ҳамда Ёшлар учун қўшимча имтиёз ва кафолатларни киритилишига асос бўлди.
Натижада 2012 йилда 2-ёшдан 3-ёшгача бола парвариши билан банд бўлган 192 та аёлга 94 млн. сўм, 2013 йилда 374 нафар аёлларга 172 млн. сўм маблағ миқдорида моддий ёрдам берилишига эришилди.
Ижтимоий шерикликни янада самарали олиб бориш мақсадида Давлат қўмитаси билан Марказий кенгашнинг ўзаро ҳамкорлик ва ижтимоий шериклик бўйича 2013-2014 йилларга мўлжалланган қўшма тадбирлар режаси тасдиқланди.
Мазкур режа асосида Ўзбекистон алоқа ходимлари касаба уюшмаси Марказий кенгаши масъул ходимлари томонидан “Ўзбектелеком” АК ва “Ўзбекистон почтаси” ОАЖ тасарруфидаги ўқув марказларида филиаллар директорлари ва бош бухгалтерлари, “Матбуот тарқатувчи” АК тизимидаги корхона раҳбарлари, РТУМ ДУКнинг меҳнат муҳофазаси бўйича мутахассислари ҳамда почта туман боғламалари директорлари учун жами 200 нафардан ортиқ тингловчиларга “Меҳнат соҳасида ижтимоий шериклик асослари жамоа шартномалари ва келишувлари” мавзуларига оид ташкил этилган ўқув машғулотлари тақдимот шаклда ўтказиб келинмоқда.
 |
 |
Шунингдек, қўшма тадбирлар режаси асосида ҳудудларда янги ташкил этилган бошланғич касаба уюшма ташкилотлари раисларининг 17 нафари билан меҳнат шартномалари тузилиб, ойлик иш ҳақининг 50 фоизини ва 9 нафарига устама ҳақ иш берувчилар маблағи ҳисобидан тўлаш амалга оширилди ҳамда уларнинг Устав фаолияти бўйича ишларини олиб бориш учун зарур шароит яратиб берилди.
Жамоа жартномаларида қабул қилинган имтиёзлар асосида соҳа ходимларининг ўртача иш ҳақи 2010 йилдаги 387,5 минг сўмдан 2013 йилда 707 минг сўмга кўтарилди.
Шунингдек, жамоа шартномаларидаги ижтимоий имтиёзлар бўлимининг асосий кўрсаткичлари асосида ходимларга сарфланган маблағлар 2010 йилдаги 7,6 млрд. сўмдан, ўтган 2013 йил якунида 9 млрд. сўмни ташкил этди.
Давлат дастурлари тадбирларини бажариш борасида иш берувчилар билан ҳамкорликда кам таъминланган оилаларга ижтимоий ёрдам кўрсатиш, ходимларни ва уларнинг оила аъзоларини жисмонан ва маънавий соғломлаштириш, ёшларни қўллаб-қувватлаш ишларига алоҳида эътибор қаратилмоқда.
Жумладан ўтган йили кам таъминланган 1338 та оилалар вакилларига жами 247,4 млн. сўм, шундан 33,0 млн. сўм касаба уюшма бюджети ҳисобдан моддий ёрдам кўрсатилди.
Мамлакатимизда ишлаб чиқилган, узоқ муддат фойдаланиладиган товарлар, шунингдек, уй-жой қўрилиши учун 543 та оилаларга иш берувчилар маблағи ҳисобидан 1 млрд. 10 млн. сўм фоизсиз ссудалар ажратилди.
Олий ўқув юрталарида тахсил олаётган 222 нафар талабалар учун шартнома пулларини бир қисми, яъни 523,0 млн. сўм иш берувчилар маблағи ҳисобидан тўлаб берилди.
Касб-хунар коллежаларини тугаллаб соҳа корхоналарига ишга жойлашган 378 нафар ёш мутахассисларни қўллаб-қувватлаш мақсадида касаба уюшма бюджети ҳисобидан 16,0 млн. сўм миқдорда бир марталик моддий ёрдам кўрсатилди.
Шунингдек, соҳа корхоналарида амалиёт ўтаган касб-ҳунар коллеж ўқувчиларининг 200 нафарига энг кам иш хақининг 20 фоиз миқдорида касаба уюшма бюджети ҳисобидан бир марталик ёрдам пуллари тўлаб берилиб, режа 128 фоизга бажарилди.
Амалга оширилаётган ишлар кенг ёритиш юзасидан Марказий кенгашнинг “TRADEUNIONICT.UZ” вебсайтини Интернетдаги кўриниши модернизация қилиниб, янги интерактив ва бошқа руқнлар ташкил этилди, тармоқ касаба уюшмалари фаолиятлари учун зарур меърий хужжатлар тўпламлар ҳамда ёритувчи мақолалар билан тўлдирилиб борилмоқда.
Марказий кенгаш ходимлари томонидан Тошкент шаҳрида фаолият олиб бораётган бошланғич ташкилотларга жадвал асосида жойига чиқиб амалий ёрдам кўрсатилиб, уларнинг фаолияти ўрганиб чиқилди. Ўрганиш натижалари Марказий кенгашда ҳафталик йиғилишларда муҳокам қилиниб, тегишли чоралар кўрилмоқда.
Марказий кенгаш томонидан қуйи ташкилотлар учун ҳуқуқий ва меҳнатни муҳофаза қилиш соҳасига оид 2000 донадан зиёд буклетлар ва меъёрий ҳужжатлар тўпламлари билан таъминландилар.
Ўзбекистон алоқа ходимлари касаба уюшмаси Марказий кенгаши Раёсатининг қарорига мувофиқ ТАТУ талабалари, коллеж ҳамда академик лицей ўқувчи ёшлари Марказий кенгашнинг стипендияси билан тақдирланишди.
Марказий кенгаш тизимидаги бошланғич ташкилот фаолиятини янада самарали ташкил этиш, ижобий ишларини кенг тарғиб этиш мақсадида “Энг намунали бошланғич ташкилот” кўрик-танлови ўтказилди. “Энг намунали бошланғич ташкилот” кўрик-танловида тузилмадан 9 та бошланғич ташкилотлар республика босқичига чиқишди ва “Ўзбекистон почтаси” ОАЖ Самарқанд филиали Федерация Кенгашининг номинациясига сазовор бўлди.
 |
 |
Бугунги кунда Ўзбекистон Республикаси Вазирлар Маҳкамаси, Ўзбекистон касаба уюшмалари Федерацияси Кенгаши, Ўзбекистон Савдо-саноат палатаси ўртасида ижтимоий-иқтисодий масалаларга оид 2014-2016 йиллар учун имзоланган Бош келишув асосида амалдаги Тармоқ, Тариф ва ягона Жамоа шартномасига тегишли ўзгартириш ва қўшимчалар киритиш борасида таклифлар тайёрланди.
Уйлаймизки, мазкур таклифлар асосида меҳнаткашларнинг ижтмоий-иқтисодий, ҳуқуқий манфаатларини янада самарали ҳимоялаш борасидаги ижтимоий шериклик тамойили асосида ижобий натижаларга эришамиз. Зеро, касаба уюшмаларининг мақсади “Инсонга наф келтириш олий бахтдир”!
Ўзбекистолн алоқа ходимлари
касаба уюшмаси Марказий кенгаши
ижтимоий масалалар бўйича бош мутахассиси
Гапуров Юнус Юсупович
7-may kuni «O‘zbektelekom» AK Samarqand filialida aloqachilarning kasb bayramlari munosabati bilan tadbir o’tkazildi. Xodimlar ruhini hamda g‘ayratini ko‘tarishga qaratilgan ushbu tadbirda filialning ilg’or xodimlari hamda mehnat faxriylari ishtirok etdilar.
“Har bir inson mehr-e’tibor og’ushida” shiori ostida filial ma’muriyati va kasaba uyushmasi tomonidan o’tkazilgan tadbirda biz bilan hamnafas yashayotgan piribadavlat faxriylarimizga, mehrimizga muhtoj kishilarga izzat-ikrom ko‘rsatildi, ular moddiy va ma’naviy qo‘llab-quvvatlandilar.
 |
 |
|
 |
 |
Filial rahbariyati va Samarqand viloyati hokimiyati faxriy yorliqlari va minnatdorchilik xatlari bilan 16 nafar xodimi taqdirlandi.
 |
 |
Aloqa sohasining barcha fidoyilari o’z zimmalaridagi ustuvor mas’uliyatni bugun har qachongidan ko’ra to’g’ri anglab, samarali mehnat qilmoqdalar.
Bag’rikeng, halol-pok, vijdonli, mehr-oqibatli, el-yurtning g’ami, tashvishi bilan yashaydigan kishilar jamiyatda qadr-qimmat, hurmat-e’tibor topadilar.
Жорий йилнинг 15-17 апрель кунлари Ўзбекистон алоқа ходимлари Марказий кенгаши раиси А.Ишанходжаевнинг ташаббуси билан Андижон вилоятида фаолият юритаётган алоқа ва ахборотлаштириш соҳасининг бошланғич касаба уюшма ташкилотлари фаолиятларини устав талаблари даражасида ташкил этиш борасида амалий ёрдам кўрсатиш тадбирлари амалга оширилди.
Тадбирни Марказий кенгашнинг малакали мутахассислари Ю.Гапуров ва Р.Тўраевалар олиб бордилар.
Тадбир негизида Андижон вилоятида алоқа ва ахборотлаштириш соҳасида фаолият юритаётган еттита бошланғич касаба уюшма ташкилотлари қамраб олинди.
Хусусан, “Ўзбектелеком” АК Андижон филиали, “Ўзбекистон почтаси” ОАЖ Андижон филиали, Ўзбекистон миллий телерадиокомпаниясининг Андижон ҳудудий бўлинмаси, “Андижон матбуот тарқатувчи” МЧЖ, ОАТ “Алоқабанк” Андижон филиали, З.М.Бобур номидаги Андижон Ахборот кутубхона маркази, Андижон ахборот технологиялари касб-ҳунар коллежи шулар жумласидандир.
Амалий ёрдам кўрсатиш тадбирлари белгиланган режа-жадвал асосида ташкиллаштирилиб, хар бир бошланғич ташкилотнинг фаолияти атрофлича ўрганилди, кадрлар бўлимида меҳнат дафтарчаларининг юритилиш ҳолатлари, ходимларнинг шахсий таркибига оид буйрқларнинг тўғри расмийлаштирилиши, жамоа шартномаларининг бажарилиши каби масалалар атрофлича кўриб чиқилди.
Бошланғич ташкилотлар томонидан 2013 ва 2014 йилларда амала оширилган ишлар тахлил қилиниб, керакли маслахатлар берилди ва келгуси фаолиятни ташкил қилишда аҳамият берилиши лозим бўлган муҳим жихатлар кўрсатиб ўтилди.
Жумладан, “Соғлом бола йили” давлат дастурининг бажарилиши борасида амалага оширилиши керак бўлган ишлар, Ўзбекистон касаба уюшмалари Федерацияси томонидан илгари сурилган устивор йўналишлар, ижтимоий шерикчилик асосида иш юритиш, касаба уюшмалари аъзоларининг ижтимоий ҳимояси, ҳуқуқий билимларини ошириш, меҳнат шароитларини яхшилаш, маданий-маърифий ва спорт тадбирларини ташкилллаштириш каби йўналишларда кенг маънода тушунчалар берилди.
Шунингдек, бошланғич касаба уюшма ташкилотларида ижро интизомини юритиш, олиб борилаётган фаолият юзасидан хужжатларини ўз вақтида ва тўғри расмийлаштириш борасида берилган кўрсатмалар асносида касаба уюшма ташкилотлари раислари ўз қизиқтирган саволларга батафсиз жавоб олдилар.
Тадбирнинг сўнги куни соҳада фаолият юритаётган касаба уюшмаси раислари ва фаоллари иштирокида йиғилиш ўтказилди. Унда амалий ёрдам кўрсатиш тадбирлари юзасидан ўрганиш натижалари танқидий жихатдан мухокама қилинди, аҳамият берилиши керак бўлган муҳим жихатларга тўхталиб ўтилди.
Йиғилишда касаба уюшмалари фаолиятига янгича қараш билан ёндошиш бугунги куннинг муҳим талабларида бири эканлиги ва бу борада касаба уюшмалари аъзоларининг маънавиятини ва хуқуқий билимларини ўстиришга алохида аҳамият қаратиш “Касаба уюшмаси соатлари”ни тизимли ташкил этиш,, аёллар ва ёшларга айниқса, касб хунар коллежларини тамомлаб, ишга келган ходимларга алохида эътибор қаратиш, уларнинг қўнимлилигини таъминлаш ҳар бир касаба уюшмаси аъзосининг бурчига айланиши кераклиги таъкидланди.
Бундан ташқари, нодавлат ташкилотларини касаба уюшмаларига жалб қилиш юзасидан тавсия ва таклифлар берилди. Бундан ташқари касаба уюшмаси аъзоларини соғломлаштириш, мадани-маърифий ва спорт ишларини ташкил этиш ва бу борада хужжатларини тўғри расмийлаштириш масалаларига ҳам тўхталиб ўтилди.
Йиғилиш жонли мулоқат тарзида бўлиб ўтди. Иштирокчилар ўзларини қизиқтирган кўплаб саволларга жавоб олдилар.
Шахсан менга, касаба уюшмалари тизимида ёш мутахассис сифатида фаолият юритаётган ходимга, ушбу ташкил этилган амалий ёрдам муҳим аҳамият касб этди. Зероки, минг бора эшитгандан бир бора кўрган афзал деган нақил нақадар ҳаққоний айтилганлигига яна бир бор амин бўлдим.
Ўтказилган тадбир муобайнида мен ўзимни қизиқтирган кўплаб саволларга жавоб олдим. Энг қувонарлиси шундаки, 2013 йилнинг май ойидан бошлаб олиб борган фаолиятимга ўзга нигоҳ билан қараб, бахо бериш имконияти пайдо бўлди, келгуси фаолиятим ташкил этишда аҳамият беришим керак бўлган жихатларни ўзимга белгилаб олдим.
Мен ўйлайманки, бундай тадбирларни ташкил этиш биз каби бошланғич ташкилотлар фаолиятини наъмунали ташкил этишда муҳим ахамият касб этади ва албатта ўзининг амалий натижаларини беради.
Ушбу амалий ёрдамни ташкил этган Ўзбекистон алоқа ходимлари касаба уюшмаси Марказий кенгашига ўзимнинг чуқур миннаддорчилигимни билдириб, уларнинг келгуси фаолиятида мувоффақиятлар тилаб қоламан.
“Ўзбектелком” АК Андижон филиали
касаба уюшмаси қўмитаси раиси
М.Мусаев
